في البداية
ايش تتوقعون من مهند
هل يقبل التمساح التركي فيكم يا بنات السعودية ؟
طبعا لا ولو يشوفكم قدامه بيعطيكم ظهره مع انه ما يسوى ولا نصفكم لكن عقولكم مصدية
طيب باقول لكم فوائد مهند وطقته
قبل كل شئ ادخلوا قوقل واكتبي انتي وياها"نسبة العنوسة في المملكة "
طبعا بيجيكم بلاوي ومشاكل الله لا يوريكم
لكن باختصر عليكم احصائيات العنوسة عندنا 1.529.418 فتاة
حتى الرقم تتعبون وانتم تقرونه يا مال القمل
طبعا هذي مصيبة قوية
لكن في حل طبعا عند كرووم
بعد ماكانوا بنات ديرتنا مغرورات ومايبن يتزوجن
الا دكتور او مليونير .. صار حلمهن يتزوجن حلاق تركي.. هع هع
طيب على شان توصل المعلومة اكثر لعقولكم اللي ما فيها فايدة
باعطيكم مميزات الشاب السعودي
الشاب السعودي اللي يستاهل ان تتغزلون فيه
لكن تركتوه ورحتوا عند مهند
للمعلومية
تم اكتشاف انه مهند اذا ضربته الشمس ينقلب لونه اصفر
لسبب انه وجهه مغسول بكلوركس هع هع

لكن الشاب السعودي يكرف في الشمس ويروح يطامر وراكم في الاسواق
ويرجع بعد تعب براتبه المتواضع اللي يسمونه الكثير بدل شحاته
لاكن حريمنا الله يهديهن ماعندهن غير مر البقالة ونت
جاي ولستت طلبات ، وابي شغالةوودني لبيت اهلي مافيه
مجال للرمنسية طلبات ومناقر مع اهل الزوج بس
ا
االشاب السعودي الوحيد من اقطار العالم اللي
يرضى بصاحبات الركب السود والشوشه المنفوشه
ويحمد ربه ويقول مثل ما قال تركي الدخيل
جمال الثوب أن تكون رقعته منه وفيه

اقتنعتوا ولا عقولكم باقي فيها هالمهند
الظاهر مالي غير اني افجر تركيا على شان تعقلون
اسمعي وانا اخوك

الجمال ما هوب للرجال ولا يعيبه
وترى لو تزوجتوا من واحد من اصحاب الوجيه الصفر
بتصدر الهيئة عندنا قرار بحجاب الازواج تلافيا للمفاسد
طيب اسمعي يا خبلة <<خلاص قفلت معاه وعصب
نتائج الزواج من مهند

-الاسواق مانتم شايفين فيها ولا زول بنت .
-تقعد الحرمة تناظر في رجلها الاصفر الين تغيب الشمس ثم تنام وهو ما نظر فيها
-تقل نسبة حالات طلب الخلع للنساء المتزوجات من مهند وشلته في المحاكم .
-في المقابل تكثر حالات الطلاق من الضعيفين اللي مستحملينكم على ما فيكم
-التجمعات النسائية بتختفي لان الحرمة طول النهار قاعدة تناظر في الوجه الاصفر اللي عندها
ثم تروح تنام من الدوخة
ختاما يا راعيات الركب السوداء

الرجال مخابر مو مناظر..
ولا اشوف الرسالة هذي في جوال وحدة منكن
ولا تراني باعلن عن رسالة الدعوة للزواج من تركيا

وه ..يازين نور والله

وعلى فكرة تراها ما تصدق تلقى واحد زي الشباب السعودي
ولو تشوفه تمسكه بسنونها
يصرف عليها ويكرف وراها ويدلعها اخر دلع
لكن مهند يقولون راح دبي اسبوع وشاف مجموعة من البنات السعوديات
يقولون قعد اسبوع ما ياكل
حتى نور جات عنده سجد سجود شكر هع هع

في مثل يقولك "ما للحب المسوس الا الكيّال الأعور " <<معزوفة الحقي صرت اعرف امثال هع
ما يستفاد:
1/ اللي فوق هذر قعدت عليه ساعة كاملة يعني قيموني وابي اشوف ردودكم
2/ اللي تبغى تتصور مع مهند ترسل لي تقييم..يمنع الخاص تقيم بس
3/ ترى هذا يا بنات مو قصف هذا يسمونه عند المثقفين اللي مثلي وشرواي فضفضة
4/ انثى الخبال ثبتي الموضوع
5/ اه ..بس يازينكم يا سعلولاتنا والله..حتى وانتم بشوشتكن وركبكن السوداء لكن مزيونات

يييييييوه اش اللي كتبته شكلك من يوم ماشوفت مهند سلتعت بس يللا صح كلامك يحيي احل من مهند شكر ا على النصيحة