::
[ .. السلامــ عليكمــ و رحمة الله و بركاته
خـــــلــــوهــاآآآ .. كلمة معروفة عند شعراآء القلطة
حبيت إني أجيـــب لكمــ قصيدة لــــ الشاعر السعودي : شاهر الفقيري العنزي ..
شاهر شارك بالأشهر اللي فاتت بـــ برنامج قلطة الوطن ..
على قناة الوطن الكويتيه .. و تميـــز بشعره الجميل و قلطته الأجمل ..
القصيدة تقول ..
سلام تسليم الوفى للحـــــــــاظر
واللي ورى الشاشة علينا يناظر
تحية تهدى لكم من شاهــــــــــر
وانا ســــــعودي والملك عبدالله
الله يبيض وجه من صـــــوت لي
يوم انهــــــــا مابين نقض وفتلي
على النقى مافـــــــــية شي ختلي
وانا ســــــعودي والملك عبدالله
اخص جمـــهور شعـــــورة حية
اللي يصـــوت بالمـــواقف ليـــه
وهذي عوايـــد صــــادقين النيــة
وانا ســــــعودي والملك عبدالله
و اعــــم ربعـــي طيبين الفـــــالي
عيـــال وايـــل محتمين التـــــالي
اللي من اجلي يرخصون الغـالي
<<<< .. عيال وايل .. و همــ العنزة لقبوا بذلك نسبة إلى جد عنزة وايل " وائل "
وانا ســــــعودي والملك عبدالله
قبيلة(ن) فعـــــل الوفـــى يزاهـــا
ولا أحـــد يقـــرب بالزمان حماها
تاريخهـــا معـــروف من مبداهـا
وانا ســــــعودي والملك عبدالله
ما اقـــــول علـــــم ماعليه اثباتي
الفـــــرس تعرفنـــــا زمانـن فاتي
بالحــــرب دايم نخــــلف الهقواتي
وانا ســــــعودي والملك عبدالله
في معـــركة ذي قار كـــــم شتتنا
حنـــــــا فزعنا واثمــــرت فزعتنا
قمـــــنا ودحينـــــا وجـــت دحتــــنا
<<< .. معركة شهيرة شارك فيها عيال وايل ضد الفرس
<<< .. الدحه أو الدحيه .. اجمل واقدم الرقصات الشعبيه اللي تميز بها عيال وايل خاصة و أهل الشمال عامة
وانا ســــــعودي والملك عبدالله
ومنا طلع حكــــــام في كـــم دولة
هذي حقيـــــقة للعــــــرب منقوله
وانا ما اجيب اللي ماهي معقولة
<<< ..وهمـ حكام السعودية و الكويت و البحرين
وانا ســــــعودي والملك عبدالله
اقولـــــها والله بقصـــدي عالــــم
من دون قاصر في حقوق العالم
انا ا عترف بالحق ماني ظـــالــم
وانا ســــــعودي والملك عبدالله
وسيف عنزة شارك بشعر القلطة
يوم اكثر افكار العـــرب مختلطة
ماهو بفنــــه مار جت لــه سلطة
وانا ســــــعودي والملك عبدالله
بذلــت جهــــدي ياعصابة راسي
يا كاســـــبين الطيب والنومـاسي
واللي بقى توفيــــق رب الناسي
وانا ســــــعودي والملك عبدالله
وانا وسعيــــد اخوان مـــيه مـيه
البيـــــرق اما لــــــه ولا ليـــــــه
اهــــــم شي بـــــــــلادنا سعودية
وانا ســــــعودي والملك عبدالله
الموضوع مجهود شخصي ..
<<< .. لأاني من هالـــ قبيلة حبيت إني أكتب عنها و أعطي معلومة
و عذرا" للإطالة ..
[ .. خـــــلــــوهــاآآآ ..
